مورف … Nokia Morph

كلنا طبعا عارفين ان الموبايل الشعبى فى مصر والوطن العربى غالبا ما بيكون من شركة نوكيا العالمية ولو انى انا شخصيا بفضل سونى اريكسون اكتر المهم النهاردة بقى نوكيا بتقول اوعاا وشك من اللى جاى الشركة قدمت تليفون جديد بالتعاون مع جامعه كامبريدج ببريطانيا اقل ما يقال عنه انة ثورة فى عالم تكونلوجيا التليفونات المحمولة واطلقوا علية اسم مورف Morph .

التليفون دة فية مميزات خيالية شوية على الاقل بالنسبة لسيد صديق القهوة الصدوق

تعالوا نشوف اية هيا المميزات دى …

* ليونة التصميم الخاص بيه يعنى بكل بساطة تقدر تشكلة زى ما انت عايز تمسكة فى ايديك او تفردة زى كروت الشحن او تلبسة فى ايديك زى الساعه او حتى تستخدمة زى السماعه فى الاذن على كل لون واللى بيوصلنا كمان لتطور الامثلة الشعبية فتقدر بعد كدة تقول موبايلى وانا حر فية افردة ولا اتنيه .

* الموبايل بيستخدم بطاريات ودة وضع طبيعى لكن اللى مش طبيعى انة يكون عندك قدرة انة يشحن بالطاقة الشمسية .

* الموبايل كمان بيقيس مدى التلوث البيئى فى المكان اللى انت موجود فية .

* كمان بينضف نفسة بنفسة لانة مضاد للبكتيريا حضرتك .

* الجديد بقى انه عندة القدرة ان ينضفلك الفاكهه اللى حضرتك بتاكلها من غير غسيل وباقل مجهود لانة بيمتص البكتيريا اللى موجوده عليها وحاجات تانية كتير .

طبعا فية ناس مش حتستوعب بس احنا حنقطع الشك باليقين

دى صور للموبايل